Khattii Meethii yaadoN kee yaad meiN

[Khattii Meethii]

Manjeet ji, Namaste

Waisay maiN nayee member nahiiN hooN...haaN merii ID nayee hai....jo mujhe majbooree se banaanee paRee...
aapne merii puraanee ID ko apnee tijoree meiN aisay band kar rakhaa hai....ki uskee maalkin ko bhee uskaa milnaa duralbh ho gayaa hai

Aap kahe.nge ki technology aapko aapkee puraanee ID waapas de degaa ...magar ...uske liye email ID kaa jeevit honaa aavashyak hai...

khair...puraane forum kee khattii meethii yaadoN kee yaad meiN apnaa ID banaayaa hai...ummeed hai aapko pasand aayegaa...

Aur haaN....ebazm meiN Hindi Poetry Forum dekhkar bahot prasnnataa huvee....man meiN sochaa...ye huvee na Man ko jeetne waalee baat ..magar jaisay hee uske andar pravesh karne kaa prayaas kiyaa to band dwaar par pravesh nishedh kee soochnaa ko paDhkar atyant niraashaa huvee. Aap se anurodh hai ki is vishay par kuchh khulaasaa kareN...taaki Hindi premiyoN kee niraashaa kaa samaadhaan ho sake.

nayee ID ke bhes meiN aapke forum kee aik puraanee member kee or se aapko kavitaa aur shaayrii ke premiyoN kee sevaa jaaree rakhne ke liye badhaayee aur shubh-kaamnaayeN

~~~~~~~~~~~~~~
Khattii Meethii
~~~~~~~~~~~~~~~

[sagar]

aapka swagat hai

[manjeet]

Khattii Meethii jii,

aapka swaagat hai. purani email id band hai yeh to pata lag gaya tha jab mere khat ka koi jawaab nahin aaya. aasha karta hoon ki sab kushal mangal hoga. eBazm par bahut kuch badal gaya. kaafi samay se forum thodi sust thi. software upgrade kiya hai aur sabko email bhejne se thodi posting shuru hui hain. kuch puraane log phir judenge to shaaid wahi ronak laut aayegi.

aapka dhanywaad jo aapne hindi forum wali baat batayi. mujhe nahin pata tha ki naye members us forum ko access nahin kar paa rahe hain. ab aap us forum ko access kar sakti hain.

aate rahiye....khatii meethii sunate rahiye.

Manjeet

[archana1ca]

Hello Manjeetji,

ek bhulakad idher bhi hai. mujhe id toh pata hai password hisbhool gaya hai. dekhtay hain aap ko meri user id aur uska password milta hai ki nahin.

[manjeet]

ummmm kaun kaun se id ka password reset karoon? lol just kidding.

Agar id yaad hai to aap password khud hi reset kar saktiin hain. Username enter karke click on 'Forgot my password'.

aur sab kushal mangal?

[archana1ca]

kushal aur mangal theek hi hongay jab aap ka ashirwaad milta hai.
bilkul first class hoon.
A