| Author | Message | ||
     Dr. Priyanka Pawar'Nikhat' |
aadaab doston, chand sher arz kar rahi hoon. guzaarish hai ki ismen behr/kaafiye ki galtiyaan bataayen. Maanaa ki ye koi shamsheer nahi.n hai tarkash nazar ka lekin be_teer nahi.n hai Guzare hai.n har simt haadase ham par aakhir dil yu.n hii to dilgeer nahi.n hai kuchh to lao kahin se aazaad-khayaalii Dar-e-qafas-e-gam koi zanzeer nahi.n hai Vo bhii ho.n, fursat bhi, masarrat bhi, hansii bhi Ab aisi bhi ‘Nikhat’ kii taqdeer nahii hai Aapki hi Nikhat. | ||
| Sarwar A. Raz |
muHtarimah :Nakhat: SaaHebah! saadar pranaam!! sab se pehle to maiN aap kaa is bazm meN haardik swaagat kartaa hooN. aur is ke ba'd a'rZ^ hai keh SaHeeH lafz^ :nakhat: hai :nikhat: naheeN. aashaa hai keh aap gustaaKhee kaa buraa naheeN maaneN gee. aap kee Ghazal dekh`ee. aap ke Khayaalaat aur bhavanaaYeN bohat achh`ee haiN. albattah aap beHr, wazn (meter) waGhairah meN bh`aTak gayee haiN. maiN koshish karooN gaa keh aap ko apnee baat samjh`aa sakooN. maiN yahaaN Sirf meter hee Th`eek karooN gaa. Khayaal par baat kabh`ee aur ho gee. ------------------- Maanaa ki ye koi "shamsheer nahi.n hai" tarkash nazar ka lekin "be_teer nahi.n hai" jo tukRe "..." meN haiN woh donoN miSro'N meN ek hee wazn ke haiN, ya'nee un ko paRh`iYe to un kee adaa,igee aur :lambaayee: ek hee haiN. lekin in se pehle ke tukRe donoN miSro'N meN yeh shart^ pooree naheeN karte haiN. jahaaN doosraa miSra' durust hai waheeN pehle meN kuch` syllabled kam haiN. yooN kahiYe to she'r kaa wazn Th`eek ho jaataa hai. Maanaa ki ye koi ik "shamsheer nahi.n hai" tarkash nazar ka lekin "be_teer nahi.n hai" ----------------- Guzare hai.n har simt haadase ham par aakhir dil yu.n hii to dilgeer nahi.n hai yahaaN donoN miSre' hee wazn se baahar haiN. in kee ek shakl yooN ho saktee hai: Guzare hai.n ham pe kitne har roz Haadisaat dil yuu.n hii to yeh aaKhir dilgeer nahi.n hai ------------- kuchh to lao kahin se aazaad-khayaalii Dar-e-qafas-e-gam koi zanzeer nahi.n hai yeh bh`ee wazn meN Kharaab hai. aap ne :zanjeer: ko :zanzeer: likh`aa hai jo Ghalat^ hai. yooN keh sakte haiN. laa,o kaheeN se kuch` to aazaad-Khayaalee darwaazah is qafas kaa zanjeer naheeN hai ----------- Vo bhii ho.n, fursat bhi, masarrat bhi, hansii bhi Ab aisi bhi ?Nikhat? kii taqdeer nahii hai is ko yooN Th`eek kar sakte haiN: tanhaayee meN mileN kis t^araH se donoN "Nakhat: kee aah! aisee taqdeer naheeN hai ====================== aap ke bh`aTakne kee KhaaS vajh yeh hai keh aap ne ek :gumnaam: aur mushkil wazn meN Ghazal kee koshish kee hai. aap agar mash,hoor shaai'roN kee aasaan GhazaloN ke wazn meN koshish kareN to behtar ho gaa. jab mashq (abbhyaas) ho jaaYe gee to ph`ir aap mushkil wazn meN kah saktee haiN. ek baat aur: agar aap koyee dictionary dekh` liyaa kareN to aap kee Urdu lipee bh`ee behtar ho jaaYe gee. Sarwar A. Raz "Sarwar" | ||
| Nikhat |
Sarwar Saabab, salaam pesh karti hoon. aapne jis tarah baareeqi se aur tafseel se apni raay di hai uspar kya kahoon, ummeed se jyadaa seekhane ko milaa hai. aapne aisi baaten bataayi hain jo mujhe sach me mallom na thi-bahut shukriyaa. aage bhi aapse is safar me rahnumaai ki ummeed karti hoon. aur mera ye maanna hai ki tazurbekaar logon ki baat ka buraa maanne se me kuchh bhi nahi seekh sakoongi, aainda bhi aap apni bebaaq raay hi den. mere takhallus ke baare me aapka kahna bazaa hai par takhallus 'Nikhat'ke saath meri kuchh ghazalen shaaya ho chukii hain, shahar ke mahaana mushayare me bhi aksar gayi hoon par meri badkismati hai ki is se pahle kisi ne is baat par dhyaan nahi dilaaya. so lagta hai ki ise hi continue rakhanaa padegaa. aapki hi Nikhat. | ||
| Sarwar A. Raz |
Priyanka Nikhat jee: namaste! jawaab kaa shukriyah. maiN koyee sewaa kar sakooN to HaaZ^ir hooN. :Nikhat: hee sahee. kabh`ee kabh`ee aisaa bh`ee hotaa hai. aap ne sunaa ho gaa (aur maiN is meN apnee t^araf se mazaaq ke t^aur se kuch` iZ^aafah kar rahaa hooN!) keh: a rose by any other name is still a rose-- and so is a cauliflower! :-) Bhagwaan ke liYe meree baat kaa ulTaa mat^lab nah leejiYe gaa! aur aap ke :last name: kaa kyaa mat^lab hai. kabh`ee sunaa naheeN! Sarwar A. Raz :Sarwar: | ||
| Nikhat |
Namaste Sarwar Sahab, Aapne 'shakespeare' kii kahii is baat ka bakhoobi istemaal kiya hai, achchha laga. agar me sahi soch rahii hoon to aapne 'Priyanka' ka matlab jaanana chaha hai, Priyanka is a hindi word which means "dear to all" iska doosara matlab hai "saffron flower". baat naam kii nikalii hai to is silsile me ek cheez discuss karna chahatii hoon.,ebazm kii urdu dictionary me Nikhat / Nakhat search karne se jo milaa wo neeche likh rahii hoon: Urdu: Nikhat-e-zulf-e-nigaar English: Perfume Of (Her) Hair Urdu: Nakhat-e-zulf-e-pareshaa.n English: Disarrayed Fragrant Hair Is hisaab se kya ye maanun ki urdu me Nikhat aur Nakhat dono lafz exist karte hai. agar haan to dono me fark kya hai? yahaan to dono ka matlab ek hii nikal raha hai. Just for the sake of curiosity,can i ask, you are staying in India or abroad? Jawaab kii muntazir, Nikhat. |