Urdu/Hindi Poetry Books > Safar kii pagdandiyaan
har zindgi meiN aksar rahtaa hai malaal
har zindgi meiN aksar rahtaa hai malaal
kayaa khoiaa kayaa payaa uThte kayee sawaal
hai vaadiyae.tamanna ik khwaab ki tameer
bunaa ho hasratoN ne jaise sunehri jaal
dosti ka toofaN kabhi aashiki ka daur
josho.janooN meiN piskar haqiqat hui halaal
saTh rahkar bhi log hote haiN kitne door
rishte nasib ke khooN kahiN safed kahiN laal
`Ashk' `Ashk' na kar kahaa darvesh ne mujhe
khudi ko chhoR de tu kar khudaai bahaal
