Urdu/Hindi Poetry Books > khalish
har-aik ruuh kii saanson pe wazan dekh raha huun
har-aik ruuh kii saanson pe wazan dekh raha huun
mein har-aik sakhs ke haathon mein kafan dekh raha huun
Ai khirad-mandon khuda hone ka daavaa na karo
mein to insaan mein aadam ko bhii kam dekh raha hoon
yeh hawaaon mein zahar aur yeh biimaar fiza
kal ko jo hona hai anzaam-e-chaman dekh raha hoon
yeh khudaaon ke liye qatl-e-khuddai choRho
nasl-e-aadam mein tabaahi ka chalan dekh raha hoon
roshni waalon andheron mein bhii jeena siikho
mein aaftaab ke pairon mein thakan dekh raha hoon
