Har kisee aNkh meiN khlaa dekha,
har kisee aNkh meiN khlaa dekha,
har kisee lab pe tashnagi dekhi
is shahr ke har ek chehre pe
maine apnee hi zindagi dekhi
*khlaa-vaccuum,emptiness tahsnagi-pyaas
ab nasheman kahaN banayegi?
le ke bachoN ko kahaN jayegi?
ek chidiya ne sab darakhtoN meiN
aaj ik jang phir lagi dekhi
*nasheman-ghar
farz anjam de raha tha woh
ik masiha sa lag raha tha woh
hum ne chehre pe apne qatil ke
ik farishte kee sadgi dekhi
ab dawa meiN asar nahiN baki
hai dawa kya, zahr nahiN baki
ho ke beemar tere, charahgar!
hum neiN teri laachargi dekhi
*charahgar-ilaaj karne wala *laachargi-helplessness
sakhat ho dhoop jab hakikat ki
chhaNw jab na milee ho daulat ki
so liye hum "feroz" sadkoN pe
aur khaboN meiN zindagi dekhi