muskuraney se mera dard chhupa rahta hai
muskuraney se mera dard chhupa rahta hai
ek parda sa zamane se bana rahta hai
har naye mod par halaat naye hote haiN
umr bhar yaad kise ahd-e-wafa rahta hai
barisheiN maNgta ik ped jogioN ki tarha
umr bhar ek hi paoN pe khada rahta hai
marham-e-ashk lagana bhi hum ne chhod diya
kab talak dekhiye yeh zakham hara rahta hai
khak sahraoN ki chhani thi magar woh na mila
zarre-zarre meiN suna tha ke khuda rahta hai
ek tasbih mere haath meiN rahti hai feroz
aastiN meiN meri, khaNjar bhi chhupa rahta hai