dete nahiin
dawaa-e-haalat-e-khanaa kharaab dete nahiin.
hai inke paas yaqeenan, janaab dete nahiin.
kaho yeh chasm ko milne nahiin hai ashq inhen
na aur maange jo aglaa hisaab dete nahiin.
kabhi kabhaar woh thodi si dhoop dete haiN
kabhi puraa ka puraa aaftaab dete nahiin.
tasalli ek bhi tashreeH se nahiin hoti
hamen hai unki talab jo jawaab dete nahiin.
bataa aye rind ke saaqi woh kaise ban baithe?
nashe ki baat to kar lii, sharaab dete nahiin.
agar na tooT gayaa khud to tod degaa inheN
kisii ko Ayesha yun apne khwab dete nahiin.